အိပ်မက်သခင်

အိပ်မက်သခင်

သင်သည်သာလျှင်

နှလုံးသားနန်းမှာစံ

အကြင်နာ ပလ္လင်ထက်

နူးညံ့တဲ့ အမိန့်တွေနဲ့

ငါ့ဘ၀ကို စိုးမိုးခဲ့ပြီ ။

အိပ်မက်သခင်

သင်သည်သာလျှင်

သစ္စာကိုတံတိုင်းခတ်

မေတ္တာမိုးရည် ရွာသွန်းစေပြီး

အချစ်ဥယျာဉ်လဲ

မညိုးမနွမ်း

ထာဝရလန်းစေ 

 

အချစ်ပန်းတွေပွင့်စေခဲ့ပြီ ။

အိပ်မက်သခင်

သင်သည်ကပင်

အတ္တတွေကင်းမဲ့

မာန်မာနတွေနဲ့

အမှားပင်လယ် ဒုက္ခသမုဒ္ဒရာထဲ

ကူးခတ်နေတဲ့

ငါ့ဘ၀လေးကို ကယ်တင်

ဘ၀သခင် လမ်းပြသူလဲ နင်ပါပဲလေ ။

ထာဝရနဲ့ ဘ၀များစွာ

တကြိမ်တခါသာ

တည်ဆောက်ခဲ့တဲ့ ငါ့နှလုံးသားနန်းတော်

နှလုံးလှ ဘုရင်မ 

 

နင်သည်သာလျှင်

စိုးမိုးပါတော့ အိပ်မက်သခင်

ချစ်သူနင်ရယ် ။

လွင်ပြင်လှိုင်းငယ်

(အိပ်မက်လေးအတွက် အမှတ်တရ)