အချစ်တဲ့

အချစ်တဲ့

ဘယ်ကားကို ဘယ်လိုစီး

 

ဘယ်ဆီကရောက်လာမှန်း

တကယ်ပဲ မသိလိုက်တာပါ

အင်ဂျင်က ကောင်းလွန်းတော့

အရှိန်အဟုန် ပြင်းပြင်းနဲ့

နှလုံးသားနံရံကို "၀ုန်း "ဆိုဝင်ဆောင့်ပြီး

"၀ူး "ဆိုမောင်းထွက်သွားတော့

ရင်ဘတ် တခြမ်းက တော်တော်လေးအောင့်ပြီးကျန်ခဲ့ရပေါ့

အချစ်ဆိုတဲ့ ဝေဒနာရယ် ။

အချစ်တဲ့

မြှားနတ်မောင်က အိပ်ချင်မူးတူးနဲ့

ထိချင်ရာထိ

 

မှန်ချင်ရာမှန် ဆိုပြီး

 ပစ်လွတ်လိုက်လားမသိဘူး

ထိချက်က စူးနစ်ပေမဲ့

သာယာမှု့ဆေးဆရာရဲ့ အစွမ်းကြောင့်

ရင်ဝမှာဒဏ်ရာ မကျန်ပေမယ့်

မြှားကျိုးလေးကတော့တိုးတိုးပြီး

 

နစ်ဝင်လာခဲ့တယ်

အချစ်ဆိုတဲ့ အကြင်နာရယ် ။

အချစ်တဲ့

ဒဏ်ရာတွေ အပြည့်နဲ့ ငါ့နှလုံးသားကို

နားလည် ခွင့်လွတ်မှု့အပြည့်နဲ့

ကြင်နာခြင်းတွေ ထာဝရစီးဆင်တဲ့

အကြင်နာမြစ်တစ်စင်းရဲ့

အချစ်ပင်လယ်ကြီးထဲမှာ

လေပြင်းလှိုင်းထန်

ဘာကိုမှ မမှု့ပဲ

အမြဲ ထာဝရ အနှိုင်းမဲ့ သံယောဇဉ်တွေနဲ့

အေးမြမှု့အချစ်မြစ်တစ်စင်းကို

 

ဖန်စင်းပေးတဲ့ တန်ခိုးရှင်ဟာလဲ

ဒီအချစ်ပါပဲကွယ်

 

လွင်ပြင်လှိုင်းငယ်