အချစ် ဆုံး

ငါဟာမင်းရဲ့ အချစ်ဦး မဟုတ်ဘူးဆိုတာ

ရူးနေတဲ့သူတောင် သိပါတယ်

အချစ်ဦးမဖြစ်ခဲ့ရလို့

အလယ်တန်းဘ၀နဲ့

မင်းရဲ့ အချစ်ခြေစစ်ပွဲကိုဝင်ခဲ့ပေမဲ့လဲ

အချစ်တော်ဟောင်း ရောင်းရင်းများက

ကျောနံပါတ်ပြ

စီနီယာ ၀ါအရနဲ့

ငါ့ရင်ကို လှောင်ပြုံးများနဲ့

ဇုန်ကန်ခံရလို့

ပွဲစဉ်နားပြီး

ဒဏ်ရာ ဗလပွနဲ့

ဘေးထွက်ထိုင်ခဲ့ရသူပါ ။

ချစ်ဦး ချစ်လယ် ဖြစ်ခွင့်မရပေမဲ့လဲ

ဖူးစာရေးနတ်ရဲ့ မျက်နှာသာပေးမှု့ကြောင့်

မင်းရဲ့ ချစ်ဆုံးဖြစ်ခွင့်ရလို့

ရူးမတတ်ပျော်ခဲ့ဖူးပါတယ်

အဆုံးသတ်ရဲ့ အချစ်တစ်ခုမှာ

အိပ်ပျော်မယ်လုပ်တုန်း

ငါရခဲ့တာ မင်းရဲ့ အဆုံးသတ်အချစ်မဟုတ်ပဲ

ဆုံးပါးနေတဲ့အချစ်ဆိုတာ

မင်းအမူအရာတွေက

ငါ့ကို ခြောက်လှန့်လို့

မင်းရဲ့ ဆုံးပါးနေတဲ့ အချစ်နဲ့အတူ

ငါ့ရဲ့ သုံးမရတော့တဲ့ နှလုံးသားကို

သောင်ပြင် နေပူပူမှာ

ကျီးထိုးထိုး ခွေးစားစား

လွင့်ပစ်လိုက်ပါပြီ  ။

(လွန်ခဲ့သော ၁၀နှစ်ကျော်မှ ငယ်သူငယ်ချင်း ကိုသက်အတွက် အမှတ်တရရေးခဲ့ဖူးသော ကဗျာလေးကို ပြန်လည်တင်ပြပါသည်။)

လွင်ပြင်လှိုင်းငယ်